Kjo pritet të jetë asamblistja e re e Vetëvendosjes në Podujevë

Adelina Stublla është emëruar drejtoreshë e Shëndetësisë dhe Mirëqenies Sociale në Komunën e Podujevës. Emërimi i saj vjen pas dorëheqjes së Driton Veliut nga ky post.

Stublla, e cila tashmë është pjesë e ekzekutivit qeverisës në Podujevë, ka liruar vendin në asamble komunale. Sipas rezultateve të KQZ-së, vendin e saj pritet ta zë Lirika Maliqi.

Maliqi në zgjedhjet lokale ka grumbulluar 262 vota. Para saj janë disa kandidatë tjerë që kanë më shumë vota, por për shkak të kuotës gjinore ajo pritet ta zë vendin në asamblen komunale.