Këta janë tre të arrestuarit për vjedhje të rënda

Pas një pune intensive hetimore, policia në Gjakovë ka arrestuar tre persona të dyshuar për përfshirje në një seri vjedhjesh të rënda, që kanë ndodhur në lokacione të ndryshme të qytetit, raporton Gazeta Sinjali.

Të arrestuarit janë: Valon Berisha, rreth 29-vjeçar, Taulant Tafa, rreth 20-vjeçar dhe I.C., rreth 17-vjeçar.

Sipas Policisë, të dyshuarit dyshohet se kanë qenë të përfshirë në rreth 9 raste të vjedhjeve, ku cak i grabitjeve kanë qenë kabllo elektrike dhe pajisje pune nga objekte të ndryshme ndërtimi.

Vlera e dëmeve të shkaktuara varion nga rasti në rast, ndërsa në një nga objektet e dëmtuara, shuma e vlerësuar e dëmit arrin në rreth 25 mijë euro.

Pas arrestimit të tyre më 29 korrik 2025, me urdhër të Prokurorit të Shtetit Kujdestar, të dyshuarit Berisha dhe Tafa janë ndaluar për 48 orë, ndërsa i mituri I.C. është ndaluar për 24 orë.

Hetimet lidhur me rastin po vazhdojnë nga Njësia e Hetimeve në Gjakovë.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.