Qeveria në detyrë mblidhet sot

Qeveria në detyrë e Kosovës pritet të mbajë sot mbledhje nën udhëheqjen e kryeministrit Albin Kurti, e cila është planifikuar të nisë në ora 11:00.

Kanë kaluar gati gjashtë muaj nga zgjedhjet e rregullta parlamentare të mbajtura më 9 shkurt, por vendi ende nuk ka Kuvend të konstituuar dhe as Qeveri të re.

Gjykata Kushtetuese, më 26 qershor, u kishte dhënë deputetëve afat prej 30 ditësh për konstituimin e Kuvendit, por ky proces nuk u përmbyll brenda afatit.

Aktualisht, deputetët nuk mund të ndërmarrin asnjë veprim drejt konstituimit të Kuvendit deri më 8 gusht, sipas vendimit të Kushtetueses të datës 24 korrik.