Ndërron jetë oficeri korrektues, Fatmir Bicaj

Ka ndërruar jetë oficeri korrektues, Fatmir Bicaj.

Shërbimi Korrektues i Kosovës ka njoftuar për vdekjen e tij, ndërsa ka ngushëlluar familjen Bicaj.

“Me dhimbje të thellë morëm lajmin për ndarjen nga jeta të oficerit korrektues, Fatmir Bicaj. Në emër të Shërbimit Korrektues të Kosovës dhe në emrin tim personal, i shpreh ngushëllimet më të sinqerta familjes Bicaj, kolegëve dhe të gjithë atyre që e njohën dhe e vlerësuan përkushtimin e tij dhe profesionalizmin shembullor”, thuhet në njoftim e tyre.

Mes tjerash, në komunikatë thuhet se “Fatmiri ishte model i ndershmërisë, përkushtimit dhe shërbimit të palëkundur ndaj institucioneve të vendit. Kontributi i tij i çmuar do të kujtohet gjithmonë me respekt dhe mirënjohje”.

“Në këto çaste të dhimbshme, jemi pranë familjes me zemër dhe në lutje. I qoftë i lehtë dheu i Kosovës”./Telegrafi/