Arrestohet mërgimtari që shkaktoi aksidentin me fatalitet në Prishtinë

Policia e Kosovës ka arrestuar një mërgimtar shqiptar me shtetësi gjermane, i cili dyshohet se shkaktoi aksidentin e rëndë trafiku ku humbi jetën një motoçiklist i ri.

Aksidenti ndodhi të premten në rrugën “Edmond Hoxha” në Prishtinë, ku vetura e drejtuar nga i dyshuari u përplas me motoçikletën që po ngiste viktima, një i ri kosovar, i cili ndërroi jetë në vendin e ngjarjes.

Sipas njoftimit të policisë, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa i dyshuari është ndaluar dhe është dërguar në mbajtje.