Ekskluzive: Këta janë të arrestuarit në Aeroportin “Adem Jashari”

Gazeta Sinjali sjell detaje nga incidenti i ndodhur më 2 gusht në hapësirat e Aeroportit Ndërkombëtar të Prishtinës, ku një zënkë mes disa personave ka përfunduar në përleshje fizike.

Burime të sigurta bëjnë me dije se të arrestuarit janë: • Emilion Qelepushi, shtetas i Shqipërisë • Erzon Shaqiri, shtetas i Kosovës • Eldi Bajrami, shtetas i Kosovë.

Të tre u arrestuan nga Policia pasi që, pas një mosmarrëveshjeje të çastit, konflikti ka eskaluar në rrahje mes tyre. Ata kanë marrë trajtim mjekësor, ndërsa dy persona të tjerë, të përfshirë në rast, janë larguar nga vendi i ngjarjes me veturë me targa të Shqipërisë.

Pas intervistimit, me urdhër të prokurorit, të arrestuarit janë dërguar në mbajtje. Rasti po hetohet për të identifikuar edhe personat tjerë të përfshirë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.