Arrestohet 32-vjeçari, dyshohet ka përdhunuar një vajze 9-vjeçare

Shkup, 5 gusht 2025 – Zyrtarë policorë nga Sektori për Punë të Brendshme (SPB) Shkup kanë arrestuar L.O. (32), banor i një fshati të Shkupit, pas një kallëzimi të mëparshëm penal që e ngarkon atë me dyshime për kryerje të akteve seksuale ndaj një vajze nëntëvjeçare nga i njëjti fshat.

Sipas informacioneve zyrtare, policia ka vepruar menjëherë pas pranimit të kallëzimit dhe ka ndërmarrë masat e nevojshme hetimore, të cilat kanë çuar në identifikimin dhe ndalimin e të dyshuarit.

“Pas zbardhjes dhe dokumentimit të plotë të rastit, ndaj personit në fjalë do të ngrihet kallëzim përkatës penal,” njoftojnë nga MPB.

Hetimet janë në vazhdim dhe institucionet përkatëse po punojnë për të sqaruar të gjitha rrethanat e ngjarjes.