Lajmi i fundit: Osmani publikon letrën e Trumpit, çka u tha në të?
Presidentja e Kosovës, Vjosa Osmani, e ka publikuar letrën nga presidenti i Shteteve të Bashkuara të Amerikës, Donald Trump, të cilën e pranoi të martën.
Osmani e falënderoi Trumpin për përkrahjen e tij dhe për fjalët e fuqishme për partneritetin me vendin tonë.
“Kosova do të vazhdojë të qëndrojë krah për krah me SHBA-të, në çdo sfidë e çdo sukses.
Mbetem e përkushtuar të punojmë së bashku me Presidentin Trump për ta thelluar edhe më tej aleancën tonë në vitet që vijnë.”
Në letrën e tij, Trump e falënderoi Osmanin për përkushtimin dhe miqësinë ndaj SHBA-së dhe shprehu dëshirën për të thelluar bashkëpunimin në vitet që vijnë.
