LAJMI I FUNDIT: Goditet gruaja nga vetura në Fushë Kosovë, ndodhet në gjendje të rëndë

Një aksident i rëndë trafiku ka ndodhur mëngjesin e sotëm në rrugën nacionale Prishtinë–Fushë Kosovë, në fshatin Vragoli, ku një këmbësore ka mbetur e lënduar rëndë pasi u godit nga një veturë luksoze.

Sipas burimeve të sigurisë, vetura ka përplasur një grua nga fshati Nekovc, e cila ka marrë lëndime të rënda trupore.

Ajo është dërguar me urgjencë në QKUK-Prishtinë, ku po trajtohet nga mjekët, ndërsa gjendja e saj raportohet të jetë e rëndë.

Me urdhër të Prokurorisë së Shtetit, shoferi i veturës është ndaluar për 48 orë.

Hetimet rreth shkaqeve të aksidentit janë duke vazhduar.