Një grua nga Kosova humb jetën në Shqipëri, kjo dyshohet të jetë arsyeja

Një ngjarje e rëndë është regjistruar më 21 gusht 2025 në Shëngjin, ku një grua nga Kosova ka ndërruar jetë pas komplikimeve shëndetësore.

E ndjera, 39-vjeçarja me inicialet A. I., ishte dërguar fillimisht në gjendje të rëndë në Urgjencën e Spitalit Rajonal të Lezhës, ku mori ndihmën e parë mjekësore, raporton PodujevaSot.net.

Më pas, ajo u transferua për trajtim më të specializuar në Spitalin e Traumës në Tiranë, ku, pavarësisht përpjekjeve të mjekëve, ndërroi jetë.

Nga hetimet e para dyshohet se shkaku i vdekjes ka qenë arresti kardiak. Materialet e rastit janë referuar në Prokurorinë e Lezhës, ndërsa hetimet po vazhdojnë për zbardhjen e plotë të rrethanave, raporton PodujevaSot.net.