Ky është personi që humbi jetën pasi u godit nga vetura

Një aksident tragjik ka ndodhur pasditen e së premtes në magjistralen Ferizaj–Gjilan, në fshatin Kllokot.

Sipas burimeve të Sinjalit, në këtë aksident ishte i përfshirë një furgon transportues i tipit Citroen Berlingo, që drejtohej nga 34-vjeçari Drilon Frangu. Ai dyshohet se nuk e kishte përshtatur shpejtësinë me kushtet e rrugës dhe për pasojë ka goditur këmbësorin Mustafa Zeqiri, 87 vjeç, raporton PodujevaSot.net.

Hetimet e para tregojnë se viktima ishte duke kaluar rrugën në momentin kur është goditur. Ai u dërgua me urgjencë në Qendrën Emergjente të Gjilanit, ku mori trajtim mjekësor, por rreth orës 20:45 ka ndërruar jetë nga plagët e marra, raporton PodujevaSot.net.

Prokurorja kujdestare ka urdhëruar ndalimin për 48 orë të shoferit, ndërsa trupi i pajetë i viktimës është dërguar për obduksion në Institutin e Mjekësisë Ligjore. Rasti po hetohet si “Aksident trafiku me pasojë vdekjen e këmbësorit”.