E mitura dhunohet nga një 17 vjeçar

Një rast i rëndë i abuzimit seksual ndaj një të miture është raportuar në Policinë e Kosovës.

Burime të Sinjalit mësojnë se prindi i një vajze të lindur në vitin 2011 është paraqitur në Stacionin e Hetimeve Rajonale në Prishtinë më 23 gusht 2025, duke raportuar se vajza e tij është keqpërdorur seksualisht nga një 17-vjeçar me inicialet G.D.

Sipas deklarimit të viktimës, marrëdhëniet seksuale dyshohet se kanë ndodhur në dy raste të ndara, në muajin shkurt dhe qershor të këtij viti, në fshatrat Fushticë e Ulët dhe Nekoc.

Edhe pse e mitura ka thënë se marrëdhënia ka qenë me dëshirë, në raste të tilla pëlqimi i të miturve nuk ka asnjë efekt juridik dhe akti trajtohet si vepër penale – “Dhunim” sipas nenit 227 të Kodit Penal të Republikës së Kosovës.

Me urdhër të Prokurorit të Shtetit, është iniciuar procedurë penale dhe i dyshuari është shpallur në kërkim policor.

Hetimet po vazhdojnë.