Me kokën ulur dhe jelek antiplumb në gjykatë – shqiptari që la pa shenja jete gruan e tij
Një krim i rëndë ka tronditur qytetin e Volosit në Greqi, ku një 40-vjeçar shqiptar vrau me thikë bashkëshorten e tij 36-vjeçare.
I dyshuari, i cili u arrestua teksa fshihej pas disa shkurreve pranë shtëpisë së tij, pritet të dalë para gjykatës të martën, më 26 gusht, në orën 10:00, për t’u marrë në pyetje. Ndërkohë, Prokuroria ka urdhëruar zhvillimin e një hetimi social për kujdestarinë e fëmijëve, të cilët aktualisht ndodhen me familjarët e nënës së tyre, raporton PodujevaSot.net.
Gjatë arrestimit, 40-vjeçari u shpreh para policëve: “Mirë ia bëra. Këtë e meritonte. Nuk pendohem për asgjë”, duke nxitur indinjatë të madhe në opinionin publik.
Sipas autoriteteve, ai kishte probleme me drogat dhe një histori të mëparshme të trajtimit psikiatrik, ndërsa po hetohet se si u lirua nga spitali pak muaj më parë. Fëmijët kanë treguar se babai i tyre kishte obsesion ndaj nënës dhe shpesh e akuzonte për tradhti, çka çoi në grindjen e fundit që përfundoi me vrasjen makabre, raporton PodujevaSot.net.
