Lajmi i fundit: Arrestohet një serb në Kosovë, sulmoi KFOR-in dhe Policinë

Gazeta Sinjali ka siguruar ekskluzivisht identitetin e personit të arrestuar mbrëmjen e së dielës në komunën e Zveçanit. Bëhet fjalë për Ljubiša Milković, i cili është prangosur nga Policia e Kosovës nën dyshimet për përfshirje në sulmet ndaj pjesëtarëve të KFOR-it dhe Policisë së Kosovës.

Burimet e Sinjalit bëjnë të ditur se ndaj tij rëndojnë disa akuza të rënda, mes tyre: • Bashkim për veprimtari kundërkushtetuese, • Rrezikim të personave nën mbrojtje ndërkombëtare, • Pjesëmarrje në turmë që kryen vepër penale dhe huliganizëm, • Sulm ndaj personit zyrtar.

Sipas informacioneve, Milković dyshohet se ka qenë pjesë e grupeve që kanë organizuar e marrë pjesë në protestat e dhunshme në veri, ku janë lënduar dhjetëra persona, përfshirë pjesëtarë të KFOR-it dhe Policisë së Kosovës.

Ai është shoqëruar për në stacion policor dhe me urdhër të Prokurorisë së Speciales është ndaluar për 48 orë, ndërsa hetimet po vazhdojnë.