E dhimbshme: Ndërron jetë Ahmet Maksuti

Ka ndërruar jetë Ahmet Maksuti.

Lajmi është publikuar në faqen Myftina – Strugë.

Më poshtë postimi:

LETER NGUSHËLLIMI

“Të All-llahut jemi dhe tek Ai do të kthehemi.”

Në emër të Myftinisë së BFI-së Strugë, të Myftiut H. Adi ef. Murtishi, të gjithë nëpunësve dhe Imamëve të Strugës, shprehim ngushëllimet më të sinqerta, më të thella dhe më të përzemërta për familjen e nderuar Maksuti nga fshati Zhepin, me rastin e ndarjes nga kjo jetë të birit të tyre të dashur, Ahmet Maksuti, djali i nderuar i haxhi Avni Maksutit.

Ky lajm i dhimbshëm ka pikëlluar zemrat tona. Humbja e një të riu është ndër fatkeqësitë më të rënda që mund t’i ndodhin një familjeje, sepse është një ndarje e parakohshme, një lule e këputur në kohën kur duhej të lulëzonte më shumë. Dhimbja është e madhe dhe e papërshkrueshme, por shpresa dhe mbështetja jonë qëndron tek mëshira e All-llahut xh.sh.

Në këto çaste pikëllimi, kujtojmë fjalët e All-llahut xh.sh. në Kur’an:

“Të All-llahut jemi dhe tek Ai do të kthehemi.”

Ahmeti u nda nga kjo botë, por ai mbetet i gjallë në kujtimet, dashurinë dhe lutjet e familjes, shokëve dhe gjithë atyre që e kanë njohur. Ai mbetet shenjë kujtese për kalueshmërinë e kësaj bote dhe për takimin e pashmangshëm me Zotin.

I drejtojmë lutjet tona më të sinqerta All-llahut të Madhërishëm që ta mëshirojë të ndjerin Ahmet, ta pastrojë nga mëkatet, t’ia ndriçojë varrin, ta bëjë shoqëri me të dashurit e Tij dhe ta vendosë në Xhennetet e Firdeusit.

Po ashtu, i lusim që haxhi Avniut me bashkëshorten, gjithë familjes së gjerë dhe të afërmve, shokëve t’iu japë sabrin, forcën dhe qëndrueshmërinë për ta përballuar këtë humbje të rëndë, duke e ditur se çdo shpirt është amanet dhe se ribashkimi në botën e përjetshme është i sigurt.

Profeti Muhammed a.s. ka thënë:
“Kur All-llahu e do një popull, Ai i sprovon ata. Kush tregohet i durueshëm, atij i jep shpërblim, ndërsa kush hidhërohet, mbi të rëndon hidhërimi.” (Hadith sahih)

Prandaj, durimi në këtë moment dhimbjeje është një derë drejt shpërblimit hyjnor dhe shpresës së takimit të përjetshëm në botën e amshueshme.

Në emrin tim personal, të Myftinisë së BFI-së Strugë dhe të gjithë Imamëve të Strugës, përcjellim ngushëllimet më të sinqerta për familjen Maksuti, duke i siguruar se jemi pranë tyre me zemër, me lutje dhe me mbështetje.

All-llahu e mëshiroftë të ndjerin Ahmetin, e bëftë prej banorëve të Xhennetit, ndërsa familjes t’i japë ngushëllim dhe sabër të madh!

Me respekt dhe dhimbje,
Myfti, H. Adi ef. Murtishi