Ky është mesazhi kërcënues që pranoi Vehbi Kajtazi
Policia e Kosovës e ka arrestuar dhe e ka ndaluar për 48 orë Hysni Menxhiqin që e kërcënoi me vrasje gazetarin Vehbi Kajtazi.
Menxhiqi është arrestuar të premten në Mitrovicë dhe të martën i kishte shkruar një mesazh kërcënues gazetarit Kajtazi.
“Vehbi tkanxan ne tuli far pozicioni ne prishtin tkam lirue patu qkye ftyra epatu qkye barku ap pate hi thesi ne krye trathtar sherbys i serrbis”, thuhej në mesazhin që Menxhiqi ia ka shkruar Kajtazit.
Pas një pune hetimore të Drejtorisë për Hetimin e Krimit të Organizuar dhe Krimeve të Rënda, sot (29 gusht), rreth orës 09:20, në rrugën “Kollashniska” në Mitrovicën e Veriut, policia ka arritur ta ndalojë të dyshuarin.
Me urdhër të Prokurorit kujdestar nga PTH Prishtinë, ndaj tij është caktuar masa e ndalimit prej 48 orësh.
