E dhimbshme: Ky është 47 vjeçari që u gjet pa shenja jete

Një ngjarje e rëndë është regjistruar mbrëmë në Dragash, ku një burrë është gjetur i vdekur në banesën e tij.

Sinjali mëson se viktima është Përparim Qengaj, 47 vjeçar nga fshati Pllajnik, i cili u gjet pa shenja jete rreth orës 20:20.

Pas raportimit, në vendin e ngjarjes kanë dalë patrullat policore dhe ekipi i hetuesisë, ndërsa mjeku kujdestar i QKMF Dragash ka konstatuar vdekjen.

Në procedurë janë përfshirë edhe hetuesit rajonalë dhe Forenzika, të cilët kanë bërë ekzaminimin e vendit të ngjarjes. Me urdhër të Prokurorit të Departamentit për Krime të Rënda, trupi i pajetë është dërguar për obduksion në Institutin e Mjekësisë Ligjore në Prishtinë.