Arrestohet Enea Zeqiri, po mbante një vajzë me forcë në banesë

Enea Zeqiri, 33 vjeç është arrestuar nga policia e Durrësit pasi akuzohet se ka mbajtur me forcë një 15-vjeçare në banesë.

Gjatë ndërhyrjes, Policia i gjeti 33-vjeçarit një armë zjarri pistoletë me silenciator dhe municion luftarak.

Sipas njoftimit zyrtar, dyshohet se Zeqiri kishte marrëdhënie intime me të miturën, të cilën nuk e lejonte të largohej nga banesa e tij, duke ushtruar dhunë psikologjike ndaj saj.

“Gjatë ndërhyrjes dhe kontrollit të banesës, shërbimet e Policisë i gjetën këtij shtetasi një armë zjarri pistoletë “Zastava” me silenciator dhe municion luftarak, të cilat u sekuestruan në cilësinë e provës materiale”, thuhet në njoftim.

33-vjeçari akuzohet për veprat penale “Dhuna në familje”, “Heqja e paligjshme e lirisë” dhe “Mbajtja pa leje e armëve dhe municioneve”.