Tentim vrasje në këtë fshat, plagoset një person

Një ngjarje e rëndë ka ndodhur sot në fshatin Debelldeh të Vitisë, ku një person është plagosur me armë zjarri.

Burime të Sinjalit bëjnë me dije se rreth orës 14:30 është raportuar se A.A, banor i këtij fshati, është qëlluar me armë gjahu. Viktima është dërguar me shenja jete në Emergjencën e Gjilanit, ku po i ofrohet trajtimi i nevojshëm mjekësor.

Si i dyshuar për plagosjen është identifikuar J. I. gjithashtu nga Debelldeh, i cili ndodhet ende në arrati. Aktualisht, policia është duke kryer kontrolle të gjera për kapjen e tij, ndërsa në vendin e ngjarjes janë angazhuar të gjitha njësitet relevante.

Për këtë rast është njoftuar Prokurori kujdestar për Krime të Rënda, i cili e ka cilësuar rastin si “Vrasje në tentativë”, ndërsa hetimet po vazhdojnë.