Aksident trafiku, një këmbësor pëson lëndime trupore

Një aksident trafiku me lëndime ka ndodhur sot në rrugën “Mbretëresha Teutë” në Mitrovicë, ku janë përfshirë një automjet dhe një këmbësor, raporton Gazeta Sinjali.

Zëdhënësi i Policisë së Kosovës për rajonin e Mitrovicës, Avni Zahiti, ka bërë të ditur për Gazetën Sinjali se si pasojë e aksidentit këmbësori ka pësuar lëndime trupore dhe është dërguar për trajtim të nevojshëm mjekësor.

“Në rrugën ‘Mbretëresha Teutë’ në Mitrovicë, ka ndodhur një aksident trafiku me lëndime, në mes të një automjeti dhe një këmbësori. Si pasojë e aksidentit këmbësori ka pësuar lëndime trupore dhe i njëjti është dërguar për trajtim të nevojshëm mjekësor”, tha Zahiti.