Arrestohet 28 vjeçari për vjedhje

Një 26-vjeçar është arrestuar në Mitrovicë të Jugut, nën dyshimin se ka kryer veprën penale “vjedhje e rëndë”.

Sipas njoftimit të Policisë së Kosovës, i dyshuari u arrestua pas hetimeve të detajuara, provave të siguruara materiale dhe dyshimeve të bazuara se i njëjti kishte kryer veprën penale.

Ai dyshohet se, në bashkëkryerje me persona të tjerë, ka kryer veprën penale në një shtëpi në rrugën “Skënderbeu” në Vushtrri në mars të këtij viti.

Pas intervistimit dhe procedurave të tjera të nevojshme, me aktvendim të prokurorit të rastit, të dyshuarit i është caktuar masa e ndalimit për 48 orë.

Ndërsa dy të dyshuar të tjerë të involvuar në këtë rast janë arrestuar në muajin korrik.