Serbia thotë se ka arrestuar një shqiptar
Sipas një njoftimi të Ministrisë së Punëve të Brendshme të Serbisë, anëtarë të kësaj ministrie në bashkëpunim me Administratën Doganore thuhet se kanë arrestuanr D. P. (1972) nga Shqipëria, për shkak të ekzistencës së bazave të dyshimit se ai ka kryer veprën penale të “nxitjes së urrejtjes dhe intolerancës kombëtare, racore dhe fetare”.
Sipas deklaratës së Ministrisë, ai u arrestua në pikën kufitare Merdare, ku zyrtarët doganorë gjetën në automjetin e tij pesë çanta të mbushura me, 244 flamuj, 22 bluza dhe 86 kapele me mbishkrime “UÇK” dhe simbole të tjera kombëtare shqiptare.
Siç u tha, këto materiale dyshohet se ishin destinuar për t’u përdorur në ndeshjen e futbollit mes Serbisë dhe Shqipërisë në Leskovc.
