VIDEO e rëndë: Momenti i plagosjes së 28-vjeçarit
Një 28-vjeçar u plagos në të dyja këmbët mbrëmjen e së mërkurës në rrugën “Ismail Kryeziu” në Prizren.
Klankosova.tv ka siguruar pamje ekskluzive që shfaqin të dyshuarin, i cili në një moment, ndërsa po lëvizte me trotinet elektrik, ndalet dhe qëllon me armë zjarri drejt një automjeti të bardhë në lëvizje.
Në video shihet gjithashtu se automjeti, pas të shtënave, ndalet në mes të rrugës.
Rreth këtij rasti, për Klankosova.tv u deklarua gjatë ditës edhe Policia e Kosovës. Sipas zëdhënësit të këtij institucioni për rajonin e Prizrenit, Shaqir Bytyqi, viktima gjendet jashtë rrezikut për jetë, dhe i njëjti është dërguar në spitalin rajonal të Prizrenit për trajtim mjekësor.
“Policia ka mbledhur prova nga vendi i ngjarjes, ka intervistuar viktimën dhe dëshmitarët, dhe po punon në identifikimin dhe arrestimin e të dyshuarit”, tha Bytyqi./Klankosova.tv
