LAJMI I FUNDIT: Raportohet se LDK garon pa Nismën

• Jo edhe aq e sigurt dhe e mirëqenë.

Nisma Socialdemokrate e Fatmir Limajt, megjithatë, ka gjasa të mos mund jetë pjesë e listës së Lidhjes Demokratike të Kosovë në zgjedhjet e jashtëzakonshme të 28 dhjetorit.

Kështu kupton gazeta ‘Nacionale’ nga burime të mirëinformuara. Përfoljet, siç ka kuptuar gazeta, janë të një “rezistence” më të gjerë të strukturave dhe elektoratit të kësaj partie.

Gazeta Nacionale ka provuar të marrë qëndrim zyrtar në zyrën për media të kësaj partie, por deri në publikimin e këtij teksti, ende s’ka marrë përgjigje.

Po ashtu, pyetje kemi dërguar edhe në Nismën Socialdemokrate, dhe pa përgjigje.

Burime të gazetës thonë se ka mospajtueshmëri për shkrirjen e Nismës në listën të LDK-së për zgjedhjet e jashtëzakonshme.

Kryetari i kësaj partie, ditë më parë, tha se “janë dyert e hapura” edhe për Nismën Socialdemokrate të Limajt, Partinë e Drejtësisë, Demokristianët dhe AKR-në.

“LDK do të kujdeset që një pjesë të listës së vet ta hap edhe për partitë e tjera, përfshirë edhe zotin Limaj, me deputetët e vet”, pati thënë Abdixhiku.

“Kemi gatishmëri. Siç kemi edhe për parti si Demokristianët, Partinë për Drejtësi, Aleancën e zotit Pacolli, jemi të hapur për parti dhe individ”.

Bisedimet me Nisman

Javë më parë Abdixhiku ishte takuar në një restoran në Prishtinë me Fatmir Limajn e Nismas Socialdemokrate.

Arsyet e takimit i kishin dhënë për krejt të zakonshme.

Tek më vonë në media ishte raportuar për një “koalicion” të mundshëm mes LDK-së dhe Nismas Socialdemokrate.

“Për çështje bashkëpunimi me akterë tjerë politikë, fjalën e kam edhe për prurje të reja por edhe për përfshirje brenda listës së LDK-së për akterë të tjerë.

LDK ka vendosur në këtë mbledhje që do të garojë si e vetme, si emër, por që brenda listës do të bëjë bisedime me potencialisht individë dhe, besa edhe me parti politike, që mund ët jenë pjesë e listës”, tha Abdixhiku.

“Të gjitha diskutimet që kemi pasur deri më tani, me këtë vendim të kryesisë, është hapur që rruga që të përfshihet në një listë të madhe përbashkuese, besoj që ky momentum i mirë i LDK-së të shërbejë për afrim të tjerëve në listë të përbashkët”, tha mes tjerash ai.