LAJMI I FUNDIT: Murati jep një lajm me rëndësi për pagat

Pak ditë për zgjedhjeve, disa media kanë filluar të dezinformojnë publikun duke publikuar lajme të rreme për paga, sidomos për pagën e 13-të.

Për këtë gjë ka reaguar ministri në detyrë, Hekuran Murati, i cili ka thënë që nuk do të ketë rrogë të 13-të në fund të këtij viti.

Më poshtë reagimi i tij:

Lajmet e rreme nuk kalojnë!

Paga e 13-të është e paraparë në ligjin e buxhetit për vitin 2026.

Por siç e dinë të gjithë, ligjin e buxhetit për vitin 2026 nuk e votuan PDK/LDK/AAK-Nisma.

Është për keqardhje që në mungesë të një programi të mirëfilltë, krejt çka u ka mbetur opozitës dhe portaleve të tyre, janë rrenat e vazhdueshme, me shpresën se diçka mbetet, dhe kësisoj gjenerojnë pakënaqësi ndaj qeverisë.

Për çfarëdo lajmi a vendimi, Qeveria çdoherë i ka njoftuar qytetarët në mënyrë transparente.

Prandaj nëse shihni çfarëdo njoftimi që ka të bëjë me Qeverinë, mos u besoni pa e verifikuar fillimisht nëse diçka e tillë është thënë nga kanalet zyrtare të Qeverisë.