Vetëplagoset një person
Një rast vetëplagosjeje dyshohet se ka ndodhur sot, në fshatin Mirenë të Lipjanit, ku një person ka mbetur i lënduar dhe ka përfunduar në trajtim mjekësor.
Sipas informatave që ka siguruar Gazeta Sinjali, më 13.12.2025 rreth orës 12:00, në QMF Drenas është paraqitur për tretman mjekësor H. Haradini, i cili dyshohet se është vetëplagosur në një shtëpi në Mirenë.
Burime të besueshme nga stafi shëndetësor bëjnë të ditur se arma e përdorur ndodhet në QMF Drenas dhe do të sigurohet nga njësitë policore, për t’u marrë më pas nga Stacioni Policor Lipjan.
Sinjali mëson se pala e lënduar është dërguar në QKUK – Emergjencë për trajtim të mëtejshëm mjekësor, ndërsa gjendja e tij momentale është stabile.
Lidhur me rastin është njoftuar edhe Prokurori i Shtetit, ndërsa hetimet janë në vazhdim.
