Rrahje brutale në familje: Djali dëbon prindërit nga shtëpia

Një incident i rëndë i dhunës në familje është regjistruar pasditen e 27.12.2025, rreth orës 17:30, në rrugën “Mit’hat Frashëri” në Gjakovë, ku një konflikt familjar ka eskaluar në përleshje fizike.

Sipas informacioneve, një i dyshuar dyshohet se ka dëbuar nga shtëpia prindërit e tij. Pas këtij veprimi, në shtëpi kanë shkuar disa familjarë, me ç’rast ka shpërthyer një përleshje fizike mes tyre.

Njëra nga viktimat ka deklaruar se është dëbuar nga shtëpia nga djali i saj, ndërsa bashkëshortja e të dyshuarit ka pohuar se është shtyrë dhe përplasur për muri nga një familjar tjetër, teksa po përpiqej të ndalonte përleshjen fizike.

Të gjitha viktimat janë dërguar për trajtim mjekësor, ndërsa të dyshuarit janë intervistuar në prani të avokatëve mbrojtës.

Me urdhër të Prokurorit kujdestar, tre persona janë ndaluar për 48 orë, ndërsa një tjetër është trajtuar në cilësinë e të përfshirë në rast.

Rasti është iniciuar zyrtarisht dhe mbetet nën hetime.