Hansi Flick flet për performancën fantastike të Barcelonës këtë sezonë

Mbrëmë në Jeddah të Arabisë, Barcelona fitoi finalen e SuperKupës së Spanjës ndaj Real Madrid.

Skuadra e udhëhequr nga Hansi Flick vazhdoi dominimin në Klasike me një super paraqitje.

Katalunasit shënuan golin e parë të ndeshjes me Raphinhan, ndërsa fundi i pjesës së parë ishte dramatik.

Vini barazoi, Lewa shënoi për 2-1, ndërsa Garcia barazoi në 2-2. Ndërsa në pjesën e dytë, fatin e finales e vendosi goli i Raphinhas.

Me këtë fitore, Barça shkon në 10 ndeshje radhazi të fituara. Për këtë sukses të jashtëzakonshëm të ekipit, foli trajneri i Barçës, Hans Dieter Flick.

Flick lavdëroi performancën e jashtëzakonshme të lojtarëve të tij dhe theksoi se ishte një fitore e jashtëzakonshme, sidomos përballë një rivali kaq të fortë si Real Madrid. Ai u shpreh krenar për angazhimin dhe paraqitjen e ekipit në fushë.