Disa fëmijë dhurojnë kursimet e tyre për restaurimin e Xhamisë së Shipolit

Një gjest prekës dhe frymëzues humaniteti është bërë publik nga hoxha Armend Haxhiu, lidhur me aksionin për restaurimin e Xhamisë së Shipolit, shkruan “Jepi zë”.

Sipas postimit të tij, një besimtar ka kontaktuar për të kontribuar në këtë projekt, duke sjellë sadakanë që fëmijët e tij kishin vendosur ta dhurojnë për xhaminë, para të cilat ishin kursimet personale të tyre.

Sadakaja është dorëzuar te Hoxhë Fatmir Latifaj, ndërsa veprimi është vlerësuar si shembull i bukur edukimi, besimi dhe përkushtimi ndaj vlerave fetare.

“Sadaka e këndshme… vepër e mirë, Allahu i shpërbleftë! MashaAllah,” ka shkruar Haxhiu, duke e cilësuar këtë akt si një shembull të rrallë bujarie dhe devotshmërie.