Roja e sigurisë qëllon me armë gruan, 30-vjeçarja në gjendje të rëndë në Itali

Një ngjarje e rëndë është shënuar në Paduli, në provincën e Beneventos, ku një grua 30-vjeçare u qëllua me armë zjarri nga bashkëshorti i saj, i cili punonte si roje sigurie.

Autori u arrestua nga karabinierët menjëherë pas mbërritjes në vendngjarje dhe hetimet janë në vijim për të sqaruar rrethanat e incidentit, që ndodhi në banesën e çiftit në zonën Femina Arsa, shkruajnë mediat italiane.

Gruaja u dërgua me urgjencë në Spitalin San Pio në Benevento në gjendje kritike, ku sipas buletinit mjekësor u intubua dhe iu nënshtrua një ndërhyrjeje delikate në kirurgjinë vaskulare për rindërtimin ose zëvendësimin e arteries aksilare.