Policia ndalon një person në Repë të Podujevës, kjo është arsyeja

Policia e Kosovës ka ndërhyrë në një rast që lidhet me transportin e kundërligjshëm të drunjve, ku një person është ndaluar nga zyrtarët policorë gjatë kontrollit në terren.

Ngjarja ka ndodhur në fshatin Repë të Podujevës, ku policia ka ndaluar një automjet që drejtohej nga një mashkull kosovar. Gjatë kontrollit është konstatuar se në automjet ndodheshin rreth 1 metër kub dru të ngarkuara pa dokumentacionin përkatës.

Pas verifikimeve të kryera nga zyrtarët kompetentë, drutë janë konfiskuar dhe janë dërguar në Ekonominë Pyjore për procedura të mëtejshme.

Lidhur me këtë rast, autoritetet kanë bërë të ditur se është iniciuar procedurë e rregullt ndaj personit të dyshuar, ndërsa rasti mbetet në trajtim nga organet përkatëse. /PodujevaSot