Ndalohet një person në Pakashticë nga Policia, kjo është arsyeja

Policia e Kosovës ka evidentuar një tjetër rast që lidhet me transportin e kundërligjshëm të drunjve për djegie, ku është ndaluar një person i dyshuar gjatë një kontrolli në terren.

Rasti ka ndodhur në fshatin Pakashticë të Podujevës, ku policia ka ndaluar një automjet që drejtohej nga një mashkull kosovar. Gjatë kontrollit është konstatuar se në automjet ndodheshin 12.53 metra kub dru për djegie, të cilat transportoheshin pa dokumentet përcjellëse përkatëse.

Pas ndërhyrjes së policisë, drutë janë konfiskuar dhe janë dërguar në Ekonominë Pyjore për procedura të mëtejshme.

Me vendim të prokurorit, i dyshuari është liruar në procedurë të rregullt, ndërsa rasti mbetet në trajtim nga organet kompetente. /PodujevaSot