Vidhet një veturë, arrestohen 3 persona

Një qytetar ka raportuar në polici për vjedhjen e veturës së tij, rast i cili ka mobilizuar menjëherë zyrtarët policorë për ndërmarrjen e veprimeve të nevojshme.

Sipas raportit, ankuesi mashkull kosovar ka njoftuar policinë se i është vjedhur vetura e tij me targa vendore. Pas veprimeve të ndërmarra nga policia, automjeti është arritur të ndalohet nga zyrtarët policorë.

Në veturën e ndaluar ndodheshin tre persona meshkuj kosovarë, të cilët janë arrestuar nga policia dhe janë shoqëruar për intervistim lidhur me rastin.

Pas intervistimit dhe me vendim të prokurorit, të dyshuarit janë liruar në procedurë të rregullt, ndërsa rasti po vazhdon të trajtohet nga organet kompetente në Mitrovicë. /PodujevaSot