Zëvendëskryeministri i Kosovës, Besnik Bislimi, ka thënë se procesi i liberalizimit të vizave po shkon drejt fundit.
Ai duke përshëndetur miratimi e deklaratës për liberalizimin e vizave nga ambasadorët e BE-së, ka thënë se pritjes së gjatë të qytetarëve po i vjen fundit.
Kështu ka thënë Bislimi në Twitter:
“Çështja e liberalizimit të vizave po shkon drejt hapave të fundit, duke i dhënë fund pritjes së gjatë dhe të vonuar të qytetarëve. Kosova po i afrohet BE-së”.
Ambasadorët e BE-së sot kanë miratuar deklaratën për liberalizimin e vizave ka njoftuar presidenca çeke.
Me këtë votim mbyllen procedurat teknike për liberalizimin e vizave. Vendimi përfundimtar pritet të merret nga Këshilli i ministrave të Brendshëm të BE-së.
Vendimi për heqjen e vizave për kosovarët pritet të hyjë në fuqi më së largu më 1 janar të vitit 2024./teve1.info/
