Kur do të përfundojë gjysmëvjetori i parë

Gjysmëvjetori i parë për nxënësit e shkollave në Kosovë nuk do të përfundoj si zakonisht në fund të dhjetorit.

Kjo pasi me ndryshimet e vitit kalendarik, përfundimi i tij pritet të bëhet më 27 janar.

Kështu nxënësit nuk do të kenë pushim dimëror më shumë se katër ditë.

Por ende nuk dihet nëse prindërit do t’i dërgojnë nxënësit në shkollë deri në fund të janarit.

“Nuk e kemi ende ndonjë vendim meqë këtë javë janë takimet e prindërve nëpër shkolla. Po shpresoj deri të premten kuptohet si do të jetë kërkesa e prindërve”, tha Jeton Demi nga Këshilli i Prindërve.

Por drejtori i shkollës fillore, “Emin Duraku” në Prishtinë thotë se gjysmëvjetori i parë nuk mund të përfundojë më herët.

Kjo për shkak se nxënësit nuk kanë zëvendësuar mësimin të shtunave të kërkuar nga Ministria e Arsimit.

Nga Sindikata e Bashkuar e Arsimit thonë që mësimdhënësit do të jenë prezentë në shkolla.

Por ai kërkon që Ministria të komunikoj më SBASHK-un dhe këshillin e prindërve në mënyre që edhe nxënësit të dalin në mësim.

E sipas Institutit Pedagogjik, përfundimi i vitit shkollor ka disa telashe.

Ndryshe, viti i ri shkollor, kishte filluar më një muaj vonë për shkak të grevave të mbajtura në shumicën e shkollave në Kosovë.