37-vjeçari që u gjet pa shenja jete në veturë dyshohet se kreu vetëvrasje

Një ngjarje e rëndë ka ndodhur pasditen e djeshme në rrugën ‘Vëllezërit Çaka’ në Kaçanik.

37-vjeçari Zekir Selimi u gjet pa shenja jete në veturën e tij, raporton Gazeta Sinjali.

Burimet e Gazetës Sinjali brenda Prokurorisë kanë bërë me dije se sipas informacioneve të para dyshohet se i ndjeri ka kryer vetëvrasje.

Ndryshe rastin e ka konfirmuar edhe zëdhënësi i Policisë së Kosovës për Rajonin e Ferizajt, Kanun Veseli.

Ai ka bërë me dije se vdekjen e viktimës e ka konstatuar mjeku kujdestar i cili doli në vendin e ngjarjes bashkë me ekipin mjekëor të Emergjencës.

Me urdhër të prokurorit, rasti është cilësuar ‘Vdekje e dyshimtë’.

PodujevaSot do t’iu mbajë të informuar me detajet e reja lidhur me rastin.