Aksion në Podujevë për bojkotimin e produkteve serbe

Rinia e Lëvizjes Vetëvendosje në Komunën e Podujevës kanë zhvilluar një aksion sot gjatë ditës.

Ky aksion është marrë për të bojkotuar produktet serbe, duke shpërndarë fletushka për qytetarët llapjanë.

Përmes kësaj fushate sensibilizuese po synohet të rritet ndërgjegjësimi qytetar për bojkotimin e produkteve nga Serbia.

Këtë e kanë bërë publike vetë faqja zyrtare e Lëvizjes Vetëvendosje – Qendra Besianë.

Postimi i plotë:

Meqenëse jemi në prag të festës së vitit të ri dhe për këtë festë blihen më shumë produkte ushqimore, Rinia për Vetëvendosje! Qendra në Besianë ka zhvilluar aksion në tendën e vendosur para zyreve të Qendrës duke shpërndarë fletushka tek qytetarët për bojkotimin e produkteve me barkod 860, produkte të cilat kanë origjinën nga Serbia.

Përmes kësaj fushate sensibilizuese po synohet të rritet ndërgjegjësimi qytetar për bojkotimin e produkteve nga Serbia.

#bojkotoproduktetserbe