Numri i madh i aksidenteve në trafik po vazhdon të jetë shqetësues.

Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një rast i tillë ka ndodhë mbrëmjen e sotme në hyrje të fshatit Xërxë afër udhëkryqit të rrugës për Ratkoc ku një veturë ka goditur një këmbësore.

Sipas burimeve të Sinjalit nga Prokuroria, bëhet e ditur se vetura ka qenë me targa të Shqiperisë, ku edhe shoferi ka qenë shtetas i Shqipërisë.

Sinjali mëson se viktima është një 17-vjeçare e cila është dërguar në QKUK për trajtim ndërsa mësohet se është jashtë rrezikut për jetë.

Personi i dyshuar është arrestuar dhe tashmë po intervistohet.

Ndaj tij pritet të caktohet masa e ndalimit policor.