Janë publikuar pamje të reja nga incidenti i ndodhur në Vlorë, ku një kamarier u dhunua nga një efektiv policie dhe miku i tij.

Këtë herë, pamjet tregojnë momentin kur vetë efektivi i policisë dhunohet nga disa persona, të cilët sipas avokatit Kujtim Cakrani që disponon pamjet ishin të shoqëruar me pronarin e restorantit dhe hotelit ku ndodhi ngjarja.

Sipas Cakranit, personat që kanë ushtruar dhunë ndaj policit kanë precedentë penalë.

Kujtojmë se dy ditë më parë në Vlorë ndodhi një konflikt mes një kamarieri dhe një efektivi policie. Sipas informacioneve paraprake, ngjarja ka nisur për shkak të një keqkuptimi gjatë marrjes së porosisë nga kamarieri.