Një përleshje fizike mes dy vëllezërve ka ndodhur ditën e djeshme në qytetin e Pejës, ku njëri prej tyre ka përfunduar në duart e Policisë, raporton Gazeta Sinjali.

Burimet e Gazetës Sinjali brenda Prokurorisë bëjnë medije se sot, më 12 korrik 2025, rreth orës 14:15, është arrestuar M.V., rreth 19-vjeçar, pasi dyshohet se ka rrahur vëllain e tij më të vogël, K. V., rreth 18-vjeçar.

Sipas kallëzimit të bërë në Stacionin Policor në Pejë, viktima ka deklaruar se është sulmuar me grushte dhe shqelma në trup nga vëllai i tij. Ai është intervistuar nga hetuesi për dhunë në familje në prani të një përfaqësuesi të Qendrës për Punë Sociale dhe ka deklaruar se nuk ka pasur nevojë për trajtim mjekësor.

Pas marrjes së deklaratës dhe ndërmarrjes së veprimeve hetimore, i dyshuari është ndaluar nga Policia. Lidhur me rastin është njoftuar Prokurori i Shtetit, i cili ka udhëzuar që ndaj të njëjtit të iniciohet rasti “Dhunë në Familje”, ndërsa pas intervistimit është liruar në procedurë të rregullt.

Hetimet në këtë rast janë duke vazhduar nga njësitet përkatëse.