Një përleshje mes dy personave ka ndodhur mbrëmjen e djeshme, rreth orës 21:30, në rrugën “Yll Morina” në Prishtinë.

Policia ka dalë menjëherë në vendin e ngjarjes, ku ka hasur viktimën M. A., i cili ishte në gjendje të rënduar shëndetësore. Ai ka deklaruar se ishte përfshirë në një përleshje fizike.

Në momentin e incidentit ka qenë e pranishme edhe një dëshmitare, N. S., e cila është marrë në pyetje nga organet e hetuesisë.

Viktima është dërguar për trajtim mjekësor në QKUK, ndërsa i dyshuari është shoqëruar në stacionin policor. Pas intervistimit, me urdhër të prokurorit të shtetit, ai është ndaluar për 48 orë.

Rasti është iniciuar si “Lëndim i lehtë trupor”, ndërsa hetimet e policisë janë duke vazhduar.

I dyshuari është identifikuar si Agron Sekiraqa, i cili sipas vendimit të prokurorit po mbahet në paraburgim për 48 orë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.