Një ngjarje e pazakontë ka ndodhur në Prishtinë. Një femër ka shfrytëzuar hotelin dhe në fund nuk e ka paguar.

Krejt kjo u bë përmes Airbnb, të cilët kanë raportuar rastin në media për këtë abuzim të qytetares.

Femra në fjalë është nga qyteti i Pejës dhe ajo përmes Instagramit kontaktoi me Airbnb, duke pyetur rreth mundësisë për një hotel me qëndrim 2-ditor.

Pasi u akomodua në hotel, ajo tha se pagesën do ta përfundonte shumë shpejt, madje dërgoi edhe një numër telefoni.

Por, ajo pagesën nuk e realizoi dhe të dëmtuarit vendosën që këtë rast ta publikojnë në media, madje edhe foton e saj.

Për shkak të ndjeshmërisë së rastit, ne nuk do ta publikojmë foton e vajzës në fjalë.