Kryeministri i Kosovës, Albin Kurti është takuar me komisionerët dhe vëzhguesit e Lëvizjes Vetëvendosje në Gjakovë.

Më poshtë postimi i Kurtit:

Kryeministri Albin Kurti, së bashku me Sekretarin Organizativ Alim Rama dhe Kryetarin e Qendrës sonë në Gjakovë, kandidatin për deputet Agon Batusha, takuan komisionerët dhe vëzhguesit e Lëvizjes VETËVENDOSJE! në Gjakovë – ata që janë në krye të detyrës për mbrojtjen e çdo vote të qytetarëve.

Lëvizja jonë shquhet për anëtarët dhe aktivistët e saj, të cilët si komisionerë dhe vëzhgues janë garantët e mbrojtjes së votës dhe vullnetit qytetar.

Me përkushtimin dhe përvojen e tyre, procesi zgjedhor jo vetëm që shkon drejt dhe në pajtueshmëri me rregullat por edhe tregon rëndësinë që ne i japim demokracisë në vend. Më 9 shkurt, ata do të jenë lajmëtarët e parë të fitores së 500 mijë zemrave, duke mbrojtur dhe numëruar çdo votë cep më cep Kosovës.

Me disiplinë, vigjilencë dhe vendosmëri, ata janë garancia e një procesi të drejtë e demokratik, duke u bërë pjesë e historisë së një ndryshimi të pandalshëm.