Një aksident i rëndë ka ndodhur sot rreth orës 12:00 në rrugën ‘B’ në Prishtinë, ku të përfshira kanë qenë shtatë automjete.

Lajmi është konfirmuar nga Policia e Kosovës, ku zëdhënësja e Policisë për rajonin e Prishtinës, Flora Ahmeti dha më shumë detaje.

“Sot rreth orës 12:00 kemi pranuar informatën se në rrugën ‘B’ në Prishtinë, ka ndodhur një aksident trafiku me lëndime. Në këtë aksident kanë qenë të përfshira shtatë automjete (4 prej tyre në lëvizje ndërsa 3 të parkuara). Bazuar në të dhënat fillestare, si pasojë e aksidentit janë lënduar pesë persona”, tha Ahmeti.