Instituti Hidrometeorologjik bën të ditur se fundjava në Kosovë pritet të jetë më e freskët dhe me kushte më të qëndrueshme meteorologjike.

IHK njofton se reshjet e fundit do të ndikojnë pozitivisht në bujqësi, duke i ndihmuar kulturat bujqësore dhe duke rritur lagështinë e tokës.

Po ashtu, ajri i pastër dhe temperaturat e moderuara do të krijojnë kushte të favorshme si për punët në arë, ashtu edhe për pushim dhe aktivitete në natyrë.

IHK për të shtunën njofton se do të mbajë mot me diell dhe vranësira të shpërndara.

Temperaturat minimale do të lëvizin ndërmjet 10-17°C, ndërsa ato maksimale pritet të jenë ndërmjet 22- 25°C.

Do të fryjë erë kryesisht nga drejtimi veriperëndimor, me shpejtësi prej 1 deri në 3m/s.

Ndërkaq, për të dielën moti do të jetë me diell dhe pjesërisht i vranët. Temperaturat minimale do të lëvizin ndërmjet 11-16°C, ndërsa ato maksimale e ditës ndërmjet 22 – 24°C.

Do të fryjë erë nga veriperëndimi, me shpejtësi 1 deri 4m/s.