Nuk janë të rralla rastet kur zyrtarët policorë ballafaqohen me kërcënime serioze që eskalojnë, duke ua vështirësuar kështu punën e madje duke ua kërcënuar edhe jetën. Ndër motivet më të shpeshta janë pakënaqësitë e shoferëve për shqiptimin e gjobave pas thyerjes së rregullave në trafik, raporton Gazeta Sinjali

Për rastin që ndodhi së fundmi në Prizren, Policia arrestoi një 31-vjeçar, i cili përfundoi në ndalim policor.

Sinjali mëson se i dyshuari është kapur me policët pasi e ndalën për kontroll në Landovicë dhe i njëjti u dënua për kundërvajtje në trafik – dhe si rezultat Policia vendosi t’ia konfiskojë patentë shoferin.

Pas përfundimit të procedurave, Prokurori i Shtetit ka urdhëruar që i njëjti të dërgohet në mbajtje.

Me vendim të tij, ndaj 31-vjeçarit është iniciuar rasti për kryerjen e veprës penale ‘Kanosje ndaj personit zyrtar’.