Një rast i rëndë dhune në familje ka tronditur Ferizajn mbrëmjen e 12 gushtit 2025, kur një grua ka denoncuar në polici bashkëshortin e saj për dhunë fizike dhe kërcënime makabre.

M.I. rreth 40-vjeçare ka rrëfyer se S.I. rreth 43-vjeçar e ka sulmuar brutalisht në banesën e tyre në rrugën “Nezir Vladi”, duke e goditur disa herë me grushta në kokë dhe në pjesë të tjera të trupit, duke i shkaktuar lëndime të dukshme, për të cilat posedon edhe raport mjekësor. Gjatë sulmit, ai e ka kërcënuar me fjalët: “Ki me kanë viktima e 13-të e vdekur sonte.”

Gjatë hetimeve, policia ka konfiskuar nga i dyshuari një armë gjysmëautomatike të tipit Zastava, 9 fishekë të paidentifikuar dhe 1 fishek kalibër 9mm.