Kryetari i LDK-së në Podujevë, njëherit kandidat për kryetar të Podujevës, Ekrem Hyseni ka publikuar listën e kandidatëve të kësa partie për Asamble.

Hyseni ka thënë se është listë gjithpërfshirëse, profesionistë të ndryshëm, të cilët e kanë dëshmuar veten secila e secili në fushën e vet.

Ai, tutje ka shtuar se është lista e përfaqësimit të dinjitetshëm, është lista e fitores!

Postimi i plotë:

Të dashur qytetarë të Podujevës,

Të dashur veprimtarë e anëtarë të LDK-së,

Jam mëse i nderuar që para jush të paraqes kandidatët për Asamble Komunale, që do jenë në listën e Lidhjes Demokratike të Kosovës, në zgjedhjet e 12 tetorit.

Kjo listë është gjithpërfshirëse, profesionistë të ndryshëm, të cilët e kanë dëshmuar veten secila e secili në fushën e vet.

Është lista e përfaqësimit të dinjitetshëm!

Është lista e fitores!

Është lista që buron drejtpërdrejt nga kërkesat dhe vullneti i qytetarëve të Podujevës, veprimtarëve e anëtarëve të Lidhjes Demokratike të Kosovës!

Janë njerëzit Tuaj!

Janë për Ju!

Janë zëri i Juaj!

Prandaj, kërkoj prej secilit qytetar të Podujevës, që në zgjedhjet e 12 tetorit, të përkrahin secilin kandidat, secilin emër që e keni në këtë listë, sepse secili prej tyre meriton mbështetje, meriton besim, e secili prej tyre do jetë në shërbim vetëm e vetëm të interesit qytetar.