Një aksident trafiku ka ndodhur sot në autostradën Prizren – Vërmicë, si pasojë e të cilit dyshohet se ka edhe persona të lënduar, raporton Gazeta Sinjali.

Sipas informacioneve të para, bëhet fjalë për një vetaksident.

Në vendin e ngjarjes kanë dalë njësitet policore të cilët kanë ndërmarrë të gjitha veprimet e nevojshme në lidhje me rastin.

Sinjali ka kontaktuar Policinë e Kosovës për t’u informuar në lidhje me detajet e rastit dhe është në pritje të përgjigjes.