E dhimbshme: 38 vjeçari që vdiq në aksident është nga Podujeva

Një person ka mbetur i vdekur sot në mëngjes në rrugën nacionale Prishtinë – Pejë, saktësisht në fshatin Bresje të Fushë Kosovës, pasi i njëjti u godit nga një veturë.

Vdekjen e viktimës e ka konstatuar ekipi mjekësor, ndërsa shoferi që dyshohet se shkaktoi aksidentin është arrestuar, raporton Gazeta Sinjali.

Sinjali mëson se viktima është 38-vjeçari nga fshati Turuqicë i Podujevës, Fatmir Ajeti.

Siç merr vesh Sinjali, Ajeti ishte i burgosur në Qendrën Korrektuese në Smrekonicë dhe i njëjti ishte i pajisur me leje që të punojë në terren.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për autopsi.